Vande Mataram Rally : एक रुपया दानातून 35 लाखांची निधी गोळा, एक रुपया दान, कॅंसरमुक्त अभियान, 50 मुलांचा उपचार करणार
यातून 30 कॅंसरग्रस्त मुलांचा उपचार आणि 2-3कॅंसर रुग्णांच्या शस्रक्रिया करणार, असा निर्धार देवता लाईफ फाऊंडेशनने व्यक्त केलाय. कॅंसरग्रस्तांना लोकांनी मदतीसाठी पुढे यावं,
नागपूर : एक रुपयाला आज फारशी किंमत नाही. पण असं असतानाही कॅंसरग्रस्तांसाठी ‘एक रुपया दान कॅंसरमुक्त अभियाना’तून तब्बल 30 -35 लाख रुपये गोळा झालेय. कॅंसर रुग्णांसाठी काम करणाऱ्या नागपूरातील देवता लाईफ फाऊंडेशनने ही किमया केलीय. स्वातंत्र्याच्या अमृत महोत्सवी वर्षांनिमित्त किशोर बावणे यांनी कॅंसरग्रस्तांसाठी अनोखं अभियान राबवलं, याच ‘एक रुपया दान कॅंसरमुक्त अभियाना’तून त्यांनी एका महिन्यात तब्बल 30 -35 लाख रुपये गोळा केलेय. यातून 30 कॅंसरग्रस्त मुलांचा उपचार आणि 2-3कॅंसर रुग्णांच्या शस्रक्रिया करणार, असा निर्धार देवता लाईफ फाऊंडेशनने व्यक्त केलाय. कॅंसरग्रस्तांना लोकांनी मदतीसाठी पुढे यावं, लोकांमध्ये जनजागृती व्हावी म्हणून, 14 ॲागस्टला लेझीम स्पर्धा आणि 15 ॲागस्टला वंदे मातरम् रॅलीचं (Vande Mataram Rally) आयोजन केलंय. अशी माहिती देवता लाईफ फाउंडेशनचे अध्यक्ष किशोर बावणे (Kishore Bavane) व उपाध्यक्ष कस्तुरी बावणे (Kasturi Bavane) यांनी दिली.
समाजानं पुढं येण्याचं आवाहन
कँसर रुग्णावरील उपचारासाठी समाजानं पुढं यावं, यासाठी देवता लाईफ फाउंडेशनकडून हा उपक्रम राबविण्यात येतोय. रस्त्यावर, नागपूर मेट्रो, राजकीय नेते, कॉलेजमध्ये जाऊन एक रुपया दान, कँसर मुक्त अभियान राबविलं जातंय. 15 ऑगस्टपर्यंत हे अभियान राबविलं जाणाराय. कँसर पीडित मुलांच्या आर्थिक मदतीसाठी एक रुपया देऊन सहकार्य करता येईल. 15 जुलैला अभियानाची सुरुवात झाली. 15 ऑगस्टपर्यंत हा उपक्रम राबविला जाणाराय. मुलांच्या औषधावर हे पैसे खर्च होणार आहेत. या पैशातून तीस कँसरग्रस्तांना मदतीसाठी लोकांनी पुढं यावं, लोकांमध्ये जनजागृती केली जाईल. त्यासाठी 14 ॲागस्टला लेझीम स्पर्धा आणि 15 ॲागस्टला वंदे मातरम् रॅलीचं आयोजन केलंय. अशी माहिती देवता फाउंडेशनच्या वतीनं देण्यात आली.
