Weight loss | लठ्ठपणा कमी करण्यासाठी आहारात या औषधी वनस्पती आणि मसाल्यांचा समावेश करा!
जिरे वजन कमी करण्यासही मदत करतात. हे पदार्थांमध्ये टेम्परिंग म्हणून वापरले जाते. हे चयापचय गतिमान करते. गॅसच्या समस्येपासून आराम मिळतो. वजन कमी करण्यासाठी रात्री एक ग्लास पाण्यात जिरे भिजवून ठेवा. दुसऱ्या दिवशी सकाळी रिकाम्या पोटी याचे सेवन करा. यामुळे पोटावरील चरबी कमी होण्यास मदत होते.
मुंबई : वाढलेले वजन झपाट्याने कमी करण्यासाठी व्यायाम (Exercise) आणि डाएट हे दोन्ही खूप महत्वाचे आहे. काही लोक फक्त व्यायाम करतात तर काही लोक फक्त डाएट फाॅलो करतात. यामुळे वजन कमी होते नाही. खरोखर जर तुम्हाला वाढलेले वजन कमी करायचे असेल तर तुम्हाला व्यायाम आणि डाएट दोन्ही करणे आवश्यक आहे. निरोगी जीवन जगाचे असेल तर सकाळी किमान तीस मिनिटे तरी व्यायाम करणे शरीरासाठी आवश्यक (Required) आहे. मात्र, आपल्या स्वयंपाक घरामध्ये असे काही घटक आहेत, जे झटपट वजन कमी करण्यास मदत करतात. ते चयापचय गतिमान करतात. शरीरातील विषारी पदार्थ (Toxic substances) काढून टाकतात. ते आरोग्याशी संबंधित समस्या दूर करण्यात मदत करतात. तुम्ही त्यांचे अनेक प्रकारे सेवन करू शकता, तुम्ही त्यांचे सेवन डिटॉक्स ड्रिंक म्हणून देखील करू शकता. चला जाणून घेऊयात हे नेमके कोणते घटक आहेत.
जिरे
जिरे वजन कमी करण्यासही मदत करतात. हे पदार्थांमध्ये टेम्परिंग म्हणून वापरले जाते. हे चयापचय गतिमान करते. गॅसच्या समस्येपासून आराम मिळतो. वजन कमी करण्यासाठी रात्री एक ग्लास पाण्यात जिरे भिजवून ठेवा. दुसऱ्या दिवशी सकाळी रिकाम्या पोटी याचे सेवन करा. यामुळे पोटावरील चरबी कमी होण्यास मदत होते.
हळद
हळद हा एक असा मसाला आहे, तो प्रत्येक भाजीमध्ये प्रामुख्याने टाकला जातो. आपल्या सर्वांनाच माहिती आहे की, हळद आपल्या शरीरासाठी खूप जास्त फायदेशीर आहे. हळदीमुळे शरीरातील रोगप्रतिकारक शक्ती वाढण्यास मदत होते. हळदीमध्ये वजन कमी करण्याचे गुणधर्म देखील आहे. हळद शरीरातील चयापचय गतिमान करते. त्यात अँटिऑक्सिडंट गुणधर्म आहेत. गरम पाण्यात हळद आणि काळी मिरी मिसळून याचे सेवन केल्याने आपले वजन कमी होण्यास मदत होते.
दालचिनी
दालचिनी चयापचय गतिमान करते. वजन कमी करण्यास मदत करते. हे रक्तातील साखरेची पातळी नियंत्रणात ठेवते आणि तुम्ही याचे अनेक प्रकारे सेवन करू शकता. आपण दालचिनीचा एक छोटा तुकडा देखील खाऊ शकता. तसेच चहामध्ये दालचिनीचा समावेश केल्याने वजन कमी होते. मात्र, या चहामध्ये साखर जास्त प्रमाणात टाकू नका.
