Mangesh Desai: मंगेश देसाई यांच्या गाडीचा अपघात; फोटो आले समोर

अभिनेता आणि निर्माता मंगेश देसाई (Mangesh Desai) यांच्या गाडीचा अपघात (Car Accident) झाल्याची माहिती समोर येत आहे. मंगेश हे त्यांच्या कुटुंबीयांसोबत कर्जतला जात असताना हा अपघात झाला. वाशीतल्या (Vashi) कोकण भवनजवळ त्यांच्या गाडीचा हा अपघात झाला असून सुदैवाने यात कोणतीही जीवितहानी झाली नाही. परंतु मंगेश यांच्या गाडीचं मोठं नुकसान झालं. अचानक ब्रेक लागल्यामुळे हा अपघात झाल्याचं कळतंय. यामध्ये कोणालाही दुखापत झाली नाही. या अपघाताचे काही फोटो समोर आले आहेत. या फोटोंमध्ये मंगेश देसाई यांच्या गाडीचं नुकसान झाल्याचं दिसतंय.

रंगभूमी, चित्रपट आणि टीव्ही मालिका या तीनही माध्यमांमध्ये सशक्त अभिनेता म्हणून मंगेश देसाई यांनी आपलं स्थान निर्माण केलं. इतकी वर्षे अभिनय केल्यानंतर मंगेश देसाईंनी निर्मिती क्षेत्रात पाऊल ठेवलं. साहिल मोशन ही निर्मिती संस्था त्यांनी स्थापन केली असून ‘धर्मवीर’ या सुपरहिट चित्रपटाची निर्मिती त्यांनी केली.

हे सुद्धा वाचा

Dhanush: बॉडी शेमिंगमुळे धनुषला कोसळलं होतं रडू; सेटवरील लोकांनी म्हटलं होतं ‘ऑटोरिक्षावाला’

Riteish Deshmukh: ‘आता वेडेपणा सुरु होणार’, ‘सलमान भाऊ’साठी रितेश देशमुखची खास पोस्ट

Ram Charan: रामचरणच्या पत्नीने आई न होण्याचा घेतला मोठा निर्णय; त्यावर अध्यात्मिक गुरू सद्गुरू म्हणाले..

Payal Rohatgi: 12 वर्षे एकमेकांना डेट केल्यानंतर अखेर पायल-संग्रामने बांधली लग्नगाठ, पहा फोटो

इन्स्टा पोस्ट-

View this post on Instagram

A post shared by Mangesh Desai (@mangeshdesaiofficial)

‘एक अलबेला’, ‘खेळ मांडला’सारखे संवेदनशील चित्रपट, क्राईम पेट्रोलसह विविध मालिकांमध्ये मंगेश यांनी अभिनेता म्हणून आपला ठसा उमटवला आहे. विनोदी अभिनेता म्हणून त्यांची ओळख आहेच पण अभिनेता म्हणून असलेल्या ओळखीच्या पलीकडे जाऊन त्यांनी निर्माता म्हणून ‘धर्मवीर’ या चित्रपटातूनही कामाची छाप पाडली. चित्रपट निर्मितीविषयी ते म्हणाले होते की, “एवढी वर्षे अभिनय केल्यानंतर काहीतरी वेगळं करून पाहायची इच्छा होती. त्यामुळे आता चित्रपट निर्मितीमध्ये पाऊल टाकलं आहे.”