अभिनेत्रीसोबत जॅकेटने चेहरा लपवून पार्टीतून बाहेर पडला ‘हा’ प्रसिद्ध अभिनेता; व्हिडीओ व्हायरल
पापाराझींनी इन्स्टाग्रामवर पोस्ट केलेल्या या व्हिडीओमध्ये फरहान आणि अमृता हे जॅकेटने त्यांचा चेहरा लपवत पार्टीतून बाहेर पडताना दिसत आहेत. गेटमधून बाहेर पडल्यानंतर हे दोघं जॅकेटने आपला चेहरा झाकतात आणि तसंच कारच्या दिशेने चालू लागतात.
मुंबई: मलायका अरोराची बहीण आणि अभिनेत्री अमृता अरोरा हिने नुकताच आपला 45 वा वाढदिवस साजरा केला. यानिमित्त अमृताची खास मैत्रीण करीना कपूर हिने तिच्या घरी मंगळवारी खास पार्टीचं आयोजन केलं होतं. या पार्टीला बॉलिवूडमधील बरेच सेलिब्रिटी उपस्थित होते. त्यात अर्जुन कपूर, फरहान अख्तर, शिबानी दांडेकर, मलायका अरोरा, रितेश सिधवानी यांचा समावेश होता. पंजाबी पॉपस्टार एपी ढिल्लन यालासुद्धा अमृता अरोराच्या बर्थडे पार्टीमध्ये पाहिलं गेलं. या बर्थडे पार्टीतील बरेच फोटो आणि व्हिडीओ सोशल मीडियावर व्हायरल होत आहेत. मात्र त्यापैकी फरहान आणि अमृताच्या एका व्हिडीओने खास नेटकऱ्यांचं लक्ष वेधलं आहे.
पापाराझींनी इन्स्टाग्रामवर पोस्ट केलेल्या या व्हिडीओमध्ये फरहान आणि अमृता हे जॅकेटने त्यांचा चेहरा लपवत पार्टीतून बाहेर पडताना दिसत आहेत. गेटमधून बाहेर पडल्यानंतर हे दोघं जॅकेटने आपला चेहरा झाकतात आणि तसंच कारच्या दिशेने चालू लागतात.
हा व्हिडीओ सोशल मीडियावर वाऱ्याच्या वेगाने व्हायरल होत आहेत आणि त्यावर नेटकऱ्यांच्या भन्नाट प्रतिक्रिया येत आहेत. ‘असं कामच का करता ज्यामुळे तोंड लपवण्याची वेळ येते’, असं एकाने लिहिलं. तर ‘हे दोघं मागच्या गेटनेही बाहेर पडू शकले असते. पुढच्याच गेटने चेहरा लपवून बाहेर पडण्याची काय गरज’, असाही सवाल दुसऱ्या युजरने केला. ‘इतका चेहरा लपवून काय उपयोग? आम्हाला कळालंच की’, असंही नेटकऱ्यांनी लिहिलं आहे.
पहा व्हिडीओ-
View this post on Instagram
अमृता अरोरा आणि करीना कपूर या दोघी एकमेकींच्या खास मैत्रिणी आहेत. म्हणूनच मैत्रिणीच्या वाढदिवसानिमित्त करीनाने तिच्या घरी खास सजावट करत पार्टीचं आयोजन केलं होतं. करीनाने फुगे आणि फुलांनी तिचं घर सजवलं होतं.
