कपाळ्यावर मोठी टिकली, लाल साडी आणि लिपस्टिक पाहा कोण आहे हा अभिनेता…
विशेष म्हणजे नवाजुद्दीन सिद्दीकीला पाहून अनेकांनी आश्चर्य देखील व्यक्त केले आहे.
मुंबई : नवाजुद्दीन सिद्दीकी हड्डी या चित्रपटामुळे चर्चेत आहे. काही दिवसांपूर्वीच नवाजुद्दीन सिद्दीकी याचा या चित्रपटामधील पहिला लूक व्हायरल झाला होता. तेंव्हापासून या चित्रपटाबद्दल प्रचंड क्रेझ चाहत्यांमध्ये बघायला मिळत आहे. दरवेळी हटके भूमिका करणारा नवाजुद्दीन सिद्दीकी हा यावेळी हड्डी या चित्रपटामध्ये थेट एका ट्रान्सजेंडरच्या भूमिकेमध्ये दिसणार आहे. याच चित्रपटातील नवाजुद्दीन सिद्दीकी याचा अजून एक लूक सोशल मीडियावर तूफान व्हायरल होतोय. विशेष म्हणजे नवाजुद्दीन सिद्दीकीला पाहून अनेकांनी आश्चर्य देखील व्यक्त केले आहे.
विशेष म्हणजे नवाजुद्दीन सिद्दीकी याने हड्डी चित्रपटामधील त्याचा हा लूक चाहत्यांसाठी शेअर केलाय. या फोटोमध्ये नवाजुद्दीन याने लाल रंगाची साडी घातलीये. तर कपाळ्यावर टिकली देखील लावली आहे.
कानामध्ये मोठे झुमके आणि गळ्यामध्ये मोठा हार देखील घातलेला दिसतोय. ओठांवर लाल रंगाची लिपस्टिक लावलीये. सुरूवातीला हे ओळखूच येत नाहीये की, हा नवाजुद्दीन सिद्दीकी आहे. डोळ्यामध्ये एक वेगळीच चमक देखील दिसत आहे.
नवाजुद्दीन सिद्दीकी याला हा मेकअप करण्यासाठी तब्बल तीन तास लागल्याचे सांगितले जात आहे. या लूकमध्ये नवाजुद्दीन सिद्दीकी याने हेवी मेकअप केल्याचे दिसत आहे. हड्डी हा चित्रपट पुढच्या वर्षी रिलीज होणार आहे.
View this post on Instagram
हा लूक शेअर करताना नवाजुद्दीन सिद्दीकी याने सुंदर एक कॅप्शन देखील लिहिले आहे. नवाजुद्दीन सिद्दीकी याचा हा लूक चाहत्यांना प्रचंड आवडला आहे. यावर चाहते मोठ्या प्रमाणात कमेंट करताना दिसत आहेत.
विशेष म्हणजे या चित्रपटामध्ये नवाजुद्दीन सिद्दीकी याने 80 ट्रान्सजेंडर महिलांसोबत काम केले आहे. यावर बोलताना काही दिवसांपूर्वी नवाजुद्दीन सिद्दीकी म्हणाला होता की, खरोखरच ही भूमिका करण्यासाठी मी स्वत:ला भाग्यवान मानतो.
हा चित्रपट करणे माझ्यासाठी सन्मानाची बाब आहे आणि यांच्याबद्दल जाणून घेण्यासाठी सुवर्णसंधीच मिळाली. हड्डी चित्रपटामधून मला बऱ्याच गोष्टी या शिकायला भेटल्याचे देखील नवाजुद्दीन सिद्दीकी याने सांगितले होते.
