मुंबई, २८ ऑगस्ट २०२३ | अजित पवार यांच्यावर संजय राऊत यांनी पुन्हा जोरदार हल्लाबोल केलाय. शरद पवार यांच्या मेहनतीवर अजित पवार यांनी डल्ला मारला, अशी खोचक टीका संजय राऊत यांनी केली. उत्तर सभांमधून अजित पवार यांचे इतर नेते शरद पवार यांच्यावर हल्लाबोल करताय. मात्र अजित पवार स्वतः शरग पवार यांच्यावर बोलणं टाळून केवळ विकासावर बोलताय. असे असले तरी संजय राऊत यांनी अजित पवार यांच्यावर सामनातून सडकून टीका केली. अजित पवार यांनी शरद पवार यांच्या मेहनतीवरच डल्ला मारण्याचा घणाघाती आरोप संजय राऊत यांनी केलाय. सामनातून अजित पवार यांच्यावर आरोप करताना संजय राऊत यांनी चांगलेच शाब्दिक बाण सोडल्याचे पाहायला मिळाले. सत्तेच्या मस्तवालपणातून जमा केलेल्या गजगंड इस्टेटीवर ईडी, इन्कम टॅक्सचे मुंगळे चढले. ते मुंगळे डसू लागल्यावर भाजपच्या गोठ्यात शिरणाऱ्यांनी एक लक्षात ठेवले पाहिजे की, २०२४ मध्ये नक्कीच सत्ताबदल होत आहे, असे संजय राऊत यांनी म्हटले.