मुंबई, २४ ऑगस्ट २०२३ | ‘स्वत:ला घरात कोंडून घेणारे आम्हाला काय डांबणार?’, असे म्हणत एकनाथ शिंदे यांच्या शिवसेनेचे आमदार संजय शिरसाट यांनी उद्धव ठाकरे यांना खोचक सवाल केला आहे. उद्धव ठाकरे यांनी आमचं म्हणणं ऐकावं, यासाठी आम्ही त्यांच्या दरवाजाच्या बाहेर उभे होतो. मात्र, त्यावेळी ते बाहेर यायलाच तयार नव्हते. त्यांनी स्वतःला डांबून ठेवलं होतं. तेव्हा त्यांनी आमचं ऐकलं असतं तर कदाचित त्यांच्यावर आज ही वेळ नसती. आज उद्धव ठाकरे यांचा पक्ष कुठं आहे? त्यांनी एकदा पाहावं. त्याबरोबरीने राष्ट्रवादी आणि काँग्रेस कुठे आहे? हे देखील त्यांनी पाहावं. शरद पवार यांनी टाकलेली गुगली त्यांच्या पक्षाला डुबवून गेली आहे, असे संजय शिरसाट यांनी म्हणत उद्धव ठाकरे यांना खोचक टोला लगावला आहे.