मुंबई, २९ ऑगस्ट २०२३ | देशभरातील हिंदू अयोध्येतील राम मंदिराचं उद्धाटन कधी होणार याकडे डोळे लावून आहेत. तर येत्या काही दिवसात या मंदिराचं उद्धाटन होणार आहे. या उद्घाटन सोहळ्याच्या पार्श्वभूमीवर ठाकरे गटाचे खासदार संजय राऊत यांनी एक खळबळजनक वक्तव्य केले आहे. या सोहळ्याला देशाच्या कानाकोपऱ्यातून अयोध्येत लोकं ट्रेननं दाखल होणार असून यावेळी ट्रेनवर हल्ले होऊ शकतात, असं संजय राऊत यांनी म्हटले आहे. यावर भाजप नेते आमदार नितेश राणे यांनी संजय राऊत यांच्यावर जोरदार निशाणा साधला आहे. अयोध्येत हल्ला होण्याच्या विधानावर नितेश राणे यांनी संजय राऊतांवर हल्लाबोल करताना असे म्हटले की, संजय राऊत आणि उद्धव ठाकरे यांची नार्को टेस्ट करण्याची मागणी केली आहे. इतकेच नाही तर यासाठी एटीएसला पत्र लिहून त्यांची सखोल चौकशी करा, अशी मागणी करणार असल्याचे नितेश राणे यांनी म्हटले आहे. इतकेच नाही तर संजय राऊत आणि उद्धव ठाकरे पाकिस्तानी एजंट आहे का? असा सवालही नितेश राणे यांनी उपस्थित केला आहे.