परळीत धनंजय मुंडे की पंकजा मुंडे आघाडीवर? कृषी उत्पन्न बाजार समिती निवडणुकीच्या निकालाकडे सर्वांचं लक्ष

परळी, बीड : कृषी उत्पन्न बाजार समिती निवडणूक मतमोजणी सध्या सुरू आहे. परळीतील निकालाकडे सर्वाचं लक्ष लागलंय. परळीत राष्ट्रवादीचे नेते धनंजय मुंडे यांच्या पॅनलचे 14 उमेदवार आघाडी आहेत. तर भाजप नेत्या पंकजा मुंडे यांच्या पॅनलचा 1 उमेदवार आघाडी आहे. मुंडे V/s मुंडे लढाईत धनंजय मुंडेंची आघाडी पाहायला मिळत आहे. परळी कृषी उत्पन्न बाजार समितीच्या निवडणुकीची मतमोजणी सध्या सुरू आहे. अवघ्या बीड जिल्ह्यासह राज्याचं लक्ष लागलंय. सकाळी आठ वाजल्यापासून परळी तहसील कार्यालयामध्ये मतमोजणीला सुरुवात झालीये. तीन टप्प्यांमध्ये ही मतमोजणी होणार आहे. परळीत 18 जागेसाठी एकूण 40 उमेदवार रिंगणात होते. 15 वर्षापासून धनंजय मुंडे यांच्या ताब्यात असलेली कृषी उत्पन्न बाजार समिती आपल्या गड राखेल की पंकजा मुंडे बाजी मारणार? हे पाहणं महत्वाचं असेल.