Rice Flour Scrub | तांदळाचं स्क्रब कसं बनवतात? ते कोणत्या वेळी चेहऱ्याला लावायचं?

rice flour scrub

Image Credit source: Social Media

मुंबई: संपूर्ण शरीराप्रमाणेच आपण आपल्या त्वचेची सुद्धा काळजी घेतली पाहिजे. ही काळजी घेताना आपण सुद्धा जरा गोंधळून जातो. त्वचेची काळजी घेण्यासाठी बाजारात खूप गोष्टी उपलब्ध आहेत. या गोष्टी बघूनच आपण गोंधळून जातो. आपल्याला प्रश्न पडतो नेमकं आपण काय वापरलं पाहिजे. मग आपण इंटरनेटवर शोधू लागतो. असंच इंटरनेटवर सर्च करताना आपण अनेकदा पाहिलं असेल की तांदूळ आपल्या त्वचेसाठी खूप चांगला असतो. तांदूळ का? मग तो काय पद्धतीने लावायचा?

स्क्रबिंग करण्याचा एक ठराविक वेळ

त्वचा साफ आणि सुंदर ठेवण्यासाठी त्वचेची सगळ्या पद्धतीने काळजी घ्यावी लागते. फेशियल, स्क्रबिंग, टोनिंग अशी स्टेप बाय स्टेप काळजी घ्यावी लागते. स्क्रबिंग तर बाजारात भरपूर आहेत. पण कोरियन लोकांचं हे तांदळाचं गुपित मात्र आता जगभर पसरलंय. त्यांची त्वचा बघून आता सगळ्यांची इच्छा असते की आपलीही अशी स्किन व्हावी. स्क्रबिंग करण्याचा एक ठराविक वेळ असतो. त्या त्या वेळेला जर ते स्क्रबिंग केलं नाही तर त्याचा इच्छुक परिणाम मिळत नाही. तांदळाच्या पिठाचा वापर करून घरच्या घरी स्क्रब बनवता येतं.

त्वचा जर तेलकट असेल तर…

सकाळी उठल्यानंतर त्वचेची छिद्रे, पोअर्स उघडे असतात. स्क्रब करताना वेळेचं भान असायला हवं. सकाळी उठल्या उठल्या स्क्रब केलं पाहिजे. सगळ्यात महत्त्वाचं म्हणजे 5 ते 10 मिनिटांच्यावर स्क्रब करू नये. त्वचेवर पिंपल्स असतील तर अजिबात स्क्रब करू नका. तुमची त्वचा जर तेलकट असेल तर तुम्हाला स्क्रब करायची गरज नाही. अशावेळी ते टाळा. स्किन केअर रुटीन फॉलो करताना स्क्रबिंग हे केलंच पाहिजे.

तांदळाचे पीठ आणि कोरफड

एका भांड्यात 3 चमचे तांदळाचे पीठ घ्या, त्यात कोरफड मिसळा. कोरफडीची पाने नसतील तर जेल मिक्स करा. यानंतर त्वचेला लावा, संपूर्ण शरीराला जरी मसाज केला तरीही फरक दिसेल.

तांदळाचे पीठ आणि दूध

एका भांड्यात 2 चमचे तांदळाचे पीठ आणि दूध घाला. हे स्क्रब चेहऱ्याला लावा आणि ते गोलाकार पद्धतीने मसाज करा. याने चेहऱ्यावर चांगलीच चमक येईल.

(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही या वृत्ताला दुजोरा देत नाही.)