Salman Khan च्या मनगटावरील गोल्डन वॉच चर्चेत; घड्याळ्याच्या किंमतीत सर्वसामान्य व्यक्ती खरेदी करू शकेल घर!

Salman Khan and Sumbul

Image Credit source: Instagram

मुंबई: बॉलिवूडचा ‘भाईजान’ अर्थात अभिनेता सलमान खान नेहमी कोणत्या ना कोणत्या कारणामुळे चर्चेत असतो. कधी त्याचा शो बिग बॉसमुळे तर कधी त्याच्या चित्रपटांमुळे तो सोशल मीडियावर प्रकाशझोतात असतो. सलमानचे चाहते नेहमी त्याला मोठ्या पडद्यावर बघू इच्छितात. भाईजानच्या चित्रपटांची ते आतुरतेने वाट पाहत असतात. चित्रपटांसोबतच दरवर्षी त्याच्या बिग बॉस या शोचीही प्रचंड उत्सुकता असते. बिग बॉसचा सोळावा सिझन नुकताच संपला आहे. मात्र त्याच्याशी निगडीत चर्चा अद्याप संपल्या नाहीत. यादरम्यान सलमानच्या हातावरील घड्याळ चर्चेचा विषय ठरला आहे.

बिग बॉस 16 संपल्यानंतर सलमान खानने सर्व स्पर्धकांसोबत फोटो क्लिक केला होता. या फोटोंमध्ये त्याच्या मनगटावर एक घड्याळ पहायला मिळालं. या घडाळ्यावर तसं फारसं कोणाचं लक्ष गेलं नव्हतं. मात्र आता त्याची किंमत समोर आल्यानंतर सोशल मीडियावर सलमानच्या या घड्याळ्याचीच चर्चा होतेय. इंडियन वॉच कॉनेसर नावाच्या इन्स्टाग्राम पेजने सलमानच्या घडाळ्याचा फोटो पोस्ट केला आहे.

या इन्स्टाग्राम पोस्टमध्ये एका बाजूला सलमानने त्याच्या हातात घड्याळ घातल्याचं पहायला मिळतंय. तर दुसरीकडे फक्त घडाळ्याचा स्पष्ट फोटो पोस्ट करण्याता आला आहे. इंडियन वॉच कॉनेसरच्या मते सलमानने घातलेलं हे घड्याळ रोलेक्स कंपनीचं आहे आणि त्याचा मॉडेल YACHT आहे.

या पोस्टमध्ये दिलेल्या माहितीनुसार, सलमानच्या या घड्याळ्याला 18 कॅरेट गोल्ड केस (Gold Case) लावण्यात आला आहे. या घडाळ्याची रिटेल किंमत ही तब्बल 28 लाख 90 हजार रुपये इतकी आहे. तर त्याची मार्केटमधील किंमत ही जवळपास 35 लाख रुपये असल्याचं म्हटलं जातंय. या किंमतीत सर्वसामान्य व्यक्ती एक घर खरेदी करू शकतं. त्यामुळे सलमानच्या या घडाळ्याच्या किंमतीची चर्चा सध्या सोशल मीडियावर होतेय.

बिग बॉस 16 शो संपल्यानंतर आता सलमानचा चित्रपट प्रेक्षकांच्या भेटीला येणार आहे. ‘किसी का भाई किसी की जान’ हा त्याचा चित्रपट लवकरच प्रेक्षकांच्या भेटीला येणार आहे. या चित्रपटात सलमान दोन वेगवेगळ्या लूकमध्ये पहायला मिळणार आहे. हा चित्रपट त्याच्या इतर चित्रपटांपेक्षा खूप वेगळा आहे. या मल्टीस्टारर चित्रपटात सलमानने बऱ्याच तरुण कलाकारांना संधी दिली आहे. टेलिव्हिजनवरील लोकप्रिय अभिनेत्री श्वेता तिवारीची मुलगी पलक तिवारी या चित्रपटातून बॉलिवूडमध्ये पदार्पण करत आहे.