CWG 2022 : 4 दिवसात 12 भारतीय एकत्र लिहिणार नवी कथा, वेटलिफ्टिंगमध्ये फक्त सोन्याचा पाऊस पडेल!

मीराबाई चानूच्या नेतृत्वात पदकांचा पाऊस पडेल!

मुंबई : 4 दिवस म्हणजे 30 जुलै ते 2 ऑगस्ट. 12 भारतीय जे वेगवेगळ्या वजन श्रेणींमध्ये देशासाठी वजन उचलताना दिसतील आणि जेव्हा ते असं करतात दिसतली तेव्हा ते पदकावर पदकाचा वर्षाव करत असतील. टोकियो ऑलिम्पिक रौप्यपदक विजेत्या मीराबाई चानूच्या हाती बर्मिंगहॅम येथे होणाऱ्या राष्ट्रकुल क्रीडा स्पर्धेत भारताला आपल्या वेटलिफ्टर्सकडून (Weightlifter) मोठ्या आशा आहेत. यावेळी भारताचे (India) 12 वेटलिफ्टर्स राष्ट्रकुल स्पर्धेत (CWG 2022) सहभागी होत असून देश प्रत्येकाकडे पदकाच्या आशेन पाहत आहेत. कारण, या वेटलिफ्टर्सनी स्वतःला सिद्ध करून बर्मिंगहॅमचे तिकीट मिळवले आहे. भारतातील 12 वेटलिफ्टर्समध्ये 5 महिला आहेत तर 7 पुरुष आहेत. हे सर्वजण वेगवेगळ्या वजन गटात भारताचे प्रतिनिधित्व करताना दिसणार आहेत. मीराबाई चानू व्यतिरिक्त, उषा कुमारा, पूर्णिमा पांडे, पोपी हजारिका आणि बिंदयाराणी देवी या भारताकडून राष्ट्रकुल क्रीडा 2022 मध्ये सहभागी होणाऱ्या पाच महिला वेटलिफ्टर्समध्ये आहेत. पुरुष गटात जेरेमी लालरिनुंगा, विकास ठाकूर, रागला व्यंकट राहुल, अजय सिंग, अचिंता शुली, चनम्बम ऋषिकांत सिंग आणि संकेत महादेव यांच्या नावाचा समावेश आहे.

सोन्याचा पाऊस पडेल

मीराबाई चानू ही वेटलिफ्टिंगमधील भारताच्या सुवर्ण विजयाची सर्वात मोठी दावेदार आहे. टोकियो ऑलिम्पिकच्या या रौप्यपदक विजेत्यानं बर्मिंगहॅममध्ये सुवर्णपदक पटकावणार असल्याचं मानलं जात आहे. मीराबाईनं गोल्ड कोस्टमध्ये 2018 च्या राष्ट्रकुल स्पर्धेतही सुवर्णपदक जिंकलं होतं. या व्यतिरिक्त पोपी हजारिका आणि उषा कुमरा या महिला गटात भारताच्या बॅगमध्ये सुवर्णपदक मिळवण्यासाठी दावेदार असतील.

इन्स्टाग्राम पोस्ट

पुरुष गटातील भारतीय वेटलिफ्टर्समध्ये संपूर्ण देश रागला व्यंकट राहुल आणि विकास ठाकूर यांच्याकडून सुवर्णपदकाच्या आशा बाळगून आहे. कारण नुकतेच या दोघांनी आपापल्या श्रेणीत चांगली कामगिरी करताना सुवर्णपदक जिंकले आहे. या वर्षी फेब्रुवारीमध्ये सिंगापूरमध्ये सुवर्णपदक जिंकणाऱ्या विकास ठाकूरने 2018 च्या गोल्ड कोस्ट कॉमनवेल्थ गेम्समध्ये कांस्यपदक जिंकले होते. अर्थात बर्मिंगहॅमला पदकाला सुवर्ण रंगवायला आवडेल. त्याचप्रमाणे रागाला व्यंकट राहुल देखील बर्मिंगहॅममधील 2018 राष्ट्रकुल क्रीडा स्पर्धेतील त्याच्या सुवर्ण यशाची पुनरावृत्ती करू इच्छितो.

भारत गोल्ड कोस्टला मागे सोडणार!

जेरेमी लालरिनुंगा, ऋषिकांत सिंग, संकेत महादेव आणि बिंदयाराणी देवी यांच्याकडूनही भारतीय वेटलिफ्टर्समध्ये पदकांची अपेक्षा आहे. म्हणजेच यावेळी एकूण 12 भारतीय नवीन कथा लिहू शकतात. 2018 मध्ये गोल्ड कोस्ट येथे झालेल्या कॉमनवेल्थ गेम्समध्ये भारताने 9 वेटलिफ्टर्सने पदके जिंकली होती, त्यापैकी 5 सुवर्ण पदके होती. बर्मिंगहॅम केवळ त्या 5 सुवर्णपदके मागे सोडेल अशी अपेक्षा नाही तर पदक जिंकणाऱ्या वेटलिफ्टर्सची संख्या देखील 9 पेक्षा जास्त असेल.