World Cup 2023 साठी टीम इंडियाची ‘या’ तारखेला घोषणा, हे 15 खेळाडू फिक्स!

मुंबई | क्रिकेट विश्वातून मोठी बातमी समोर आली आहे. आशिया कप स्पर्धेनंतर आयसीसी वनडे वर्ल्ड कप 2023 स्पर्धेला सुरुवात होणार आहे. या वनडे वर्ल्ड कपचं वेळापत्रक जाहीर करण्यात आलं. इंग्लंड आणि ऑस्ट्रेलिया या दोन्ही संघांनी वर्ल्ड कपसाठी प्रिलिमनरी स्क्वॉड जाहीर केला आहे. त्यानंतर वर्ल्ड कपसाठी भारतीय संघाची घोषणा केव्हा होणार, याकडे क्रिकेट चाहत्यांचं लक्ष लागलेलं आहे. बीसीसीआय निवड समितीचे प्रमुख अजित आगरकर यांनी 21 ऑगस्ट रोजी वर्ल्ड कपसाठी 5 सप्टेंबरला टीम इंडियाची घोषणा करणार असल्याची माहिती दिली होती. मात्र आता मोठी अपडेट समोर आली आहे.

वर्ल्ड कपसाठी 5 सप्टेंबरपर्यंत खेळाडूंची नाव जाहीर करण्याची शेवटची तारीख आहे. तर मीडिया रिपोर्ट्सनुसार, बीसीसीआय 5 नाही, तर 3 सप्टेंबरला वर्ल्ड कपसाठी भारतीय संघाची घोषणा करणार असल्याची माहिती समोर आली आहे. भारतीय संघाची घोषणेच्या एकदिवसाधी टीम इंडिया आशिया कपमध्ये पाकिस्तान विरुद्ध खेळणार आहे. त्यात आता केएल राहुल हा आशिया कपमधील पहिल्या 2 सामन्यांमधून बाहेर झाला आहे. त्यामुळे केएल राहुल याला संधी मिळणार की नाही, हा देखील मोठा प्रश्न आहे.

बीसीसीआय आयसीसीच्या नियमांनुसार, वर्ल्ड कपसाठी जास्तीत जास्त 15 खेळाडूंचीच निवड करु शकते. त्यात बीसीसीआयनुसार, केएल राहुल हा फिट झाला असला तरी तो खेळण्यासाठी सक्षम नाही. त्यामुळे बीसीसीआय वर्ल्ड कपसाठी केएलला संधी देते की नाही, याकडे क्रिकेट चाहत्यांचं लक्ष असणार आहे.

आयसीसीच्या वेबसाईटवर दिलेल्या माहितीनुसार प्रत्येक क्रिकेट बोर्ड 28 सप्टेंबरपर्यंत कोणत्याही परवानगीशिवाय वर्ल्ड कपसाठीच्या टीममध्ये बदल करु शकते. त्यानंतरही बदल करता येईल. मात्र 28 सप्टेंबरनंतर आयसीसीची परवानगी आवश्यक असेल. त्यामुळे बीसीसीआय विचारपूर्वक 15 खेळाडूंची निवड करेल.

आयसीसी वनडे वर्ल्ड कपसाठी संभावित टीम इंडिया | रोहित शर्मा (कॅप्टन), शुबमन गिल, विराट कोहली, श्रेयस अय्यर, इशान किशन, सूर्यकुमार यादव, केएल राहुल, हार्दिक पंड्या (उपकर्णधार), जसप्रीत बुमराह, रवींद्र जडेजा, शार्दुल ठाकुर, अक्षर पटेल, कुलदीप यादव, मोहम्मद शमी आणि मोहम्मद सिराज.

राखीव खेळाडू | तिलक वर्मा, प्रसिद्ध कृष्णा.