PCMC election 2022 Ward 30 : पिंपरी-चिंचवड महापालिकेत भाजप सत्ता राखणार की अजितदादा पुन्हा वर्चस्व मिळवणार? प्रभाग क्र. 30 ची स्थिती जाणून घ्या

पिंपरी चिंचवड : राज्यात सत्तापालटानंतर महाविकास आघाडी (Maha Vikas Aghadi) सरकारने घेतलेले काही निर्णय शिंदे आणि फडणवीस सरकारनं बदलले आहेत. त्यात महापालिकांच्या प्रभाग रचनेच्या निर्णयाचाही समावेश आहे. राज्य निवडणूक आयोगाच्या निर्देशानुसार नागरी निवडणुकांसाठी सीमांकन, जागांचे आरक्षण आणि मतदार यादी (Voter List) अंतिम करण्याची प्रक्रिया पूर्ण केली आहे. मात्र, आता नवीन निर्देशांनुसार ही प्रक्रिया थांबवली जात आहे. अशावेळी मुंबई, पुणे पाठोपाठ संपूर्ण राज्याचं लक्ष पिंपरी-चिंचवड महापालिकेकडे (Pimpri Chinchwad Municipal Corporation) लागलं आहे. कारण, या महापालिकेवर सध्या भाजपची सत्ता आहे. मात्र, पुन्हा एकदा पिंपरी-चिंचवडकर वर्चस्व सिद्ध करण्यासाठी राष्ट्रवादी काँग्रेसनं कंबर कसली आहे. शरद पवार आणि अजित पवार हे पिंपरी-चिंचवडमध्ये जातीनं लक्ष घालत आहेत. दरम्यान, राज्यात सत्तापालटाचे परिणामही पिंपरी-चिंचवड महापालिका निवडणुकीत दिसण्याची शक्यता नाकारता येत नाही. अशावेळी प्रभाग क्रमांक 30 मध्ये कोणता पक्ष कुणाला संधी देणार आणि कोण विजयी होणार, याकडे पिंपरी चिंचवडकरांचं लक्ष लागलं आहे.

प्रभाग क्रमांक 30 ची लोकसंख्या किती?

2011 च्या जनगणनेनुसार पिंपरी चिंचवड महापालिकेतील प्रभाग क्रमांक 29 मधील एकूण लोकसंख्या 38 हजार 906 इतकी आहे. त्यातील अनुसूचित जातीची लोकसंख्या 3 हजार 294 तर अनुसूचित जमातीची लोकसंख्या 368 इतकी आहे.

महाविकास आघाडी सरकारच्या काळातील आरक्षण

महाविकास आघाडी सरकारच्या काळात त्रिसदस्यीय प्रभाग रचना करण्यात आली होती. त्यानुसार प्रभाग क्रमांक 30 मधील वार्ड क्रमांक 30 (अ) सर्वसाधारण महिला, वार्ड क्रमांक 30 (ब) सर्वसाधारण महिला तर वार्ड क्रमांक 30 (क) सर्वसाधारण प्रवर्गासाठी आरक्षित झाला होता.

2017 च्या निवडणुकीतील प्रभाग क्र. 30 आणि विजयी उमेदवार

2017 च्या निवडणुकीत प्रभाग क्रमांक 30 मध्ये केशवनगर, कासारवाडी, कुंदनगर, फुगेवाडी, सुंदरबाग कॉलनी हा भाग येत होता. त्यावेळी खालील उमेदवार विजयी झाले होते.

प्रभाग क्र. 30 (अ) – राजू बनसोडे, राष्ट्रवादी
प्रभाग क्र. 30 (ब) – आशा शेडगे, भाजप
प्रभाग क्र. 30 (क) – स्वाती चंद्रकांत काटे, राष्ट्रवादी
प्रभाग क्र. 30 (ड) – रोहित काटे, राष्ट्रवादी

प्रभाग क्र. 30ची व्याप्ती :

पिंपरीगाव, पिंपरी कॅम्प, अशोक थिएटर परिसर, सावतामाळी नगर, वैभवनगर इ.

उत्तर : रेल्वे लाईन.

पूर्व : मनपा हद्द व पिंपरी मिलिटरी डेअरी फार्म हद्द.

दक्षिण : पवना नदी.

पश्चिम : पवना नदी एम.सी.जी. क्रिकेट अॅकेडमी पासून वैभवनगर रस्त्याने साधु वासवानी रस्त्याने साई सागर स्टीलयार्ड पर्यंत व तेथून उत्तरेस जवाहरलाल नेहरु रस्त्याने गेलॉर्ड चौक ओलांडून पिंपरी साई चौकापर्यंत व साई चौकातून पुर्वेस शनी मंदीर चौकापर्यंत व तेथून उत्तरेस रेल्वे लाईनपर्यंत.