Gondia Teak Smuggling : गोंदियात ट्रॅक्टरने सुरू होती सागवानाची अवैध तस्करी, वनपरिक्षेत्र अधिकाऱ्यावर फर्निचर मार्ट मालकाचा जीवघेणा हल्ला

वनपरिक्षेत्र अधिकाऱ्यावर फर्निचर मार्ट मालकाचा जीवघेणा हल्ला

गोंदिया : गोंदिया जिल्ह्यात मोठ्या प्रमाणात लाकडाची चोरी होते. यावर आळा घालण्यासाठी वनअधिकारी नेमले जातात. तरीही हा प्रकार सुरू आहे. सागवानसारखे लाकूड विनापरवाना नेता येत नाही. पण, सालेकसा येथे हे सर्रास सुरू होते. या प्रकरणी वनपरिक्षेत्र अधिकारी हे गस्तीवर होते. त्यांना सागवाननं भरलेला ट्रॅक्टर दिसला. त्यांनी चालकाला विचारना केली. चालकानं सरळ विनोद फर्निचर मार्टच्या (Vinod Furniture Mart) मालकास सांगितलं. मालकासोबत (Owner) अधिकाऱ्यांची बाचाबाची झाली. मालकाने बागडे यांच्या अंगावर बाईक चालवून जीवे मारण्याचा प्रयत्न ( Attack) केला. या हल्ल्यात बागडे हे जखमी झाले आहेत. ट्रॅक्टर सागवानासह जप्त करण्यात आला आहे. सागवान चोरांची मजल कुठपर्यंत जाऊ शकते, हे या घटनेतून दिसून येते.

वनपरिक्षेत्राधिकारी जखमी

गोंदिया जिल्ह्यातील सालेकसा येथील विनोद फर्निचर मार्टसमोर रोडवर सागवान लाकडाने भरलेला ट्रॅक्टर उभा होता. विना नंबर ट्रॅक्टर पाहून गस्तीवर असलेले विभागीय व्यवस्थापक नितीशकुमार आणि वनपरिक्षेत्राधिकारी मंगेश बागडे यांनी ट्रॅक्टर चालकाला विचारना केली. सागवानाचा वाहतूक परवाना (टीपी) विचारला. वाहतूक परवाना न दाखवता त्याने मालकाला बोलावले. त्याच्या मालकाने रागा रागात वनपरिक्षेत्राधिकारी बागडे यांच्या अंगावर बाईक चालवून जीवे मारण्याचा प्रयत्न केला. या हल्ल्यात वनपरिक्षेत्राधिकारी गंभीर जखमी झाले.

ट्रॅक्टर पोलीस ठाण्यात जमा

तसेच उपस्थित अधिकाऱ्यावर शिवीगाळ करून जिवे मारण्याची धमकी दिली. याबाबत पोलिसांना माहिती मिळताच सागवान भरलेला ट्रॅक्टर जप्त करण्यात आला. ट्रॅक्टर पोलीस ठाण्यात जमा करण्यात आला आहे. फर्निचर मार्टचे मालक विनोद जैन यांच्यासह दिनेश कटरे विरुध्द् गुन्हा दाखल केला. आरोपींना ताब्यात घेऊन त्यांच्यावर 353 , 332, 504, 506 अश्या विविध कलम अंतर्गत गुन्हा दाखल करण्यात आला आहे. पुढील तपास सलेकसा पोलीस करीत आहेत. अशी माहिती सालेकसाचे पोलीस निरीक्षक जे. पी. हेगडकर यांनी दिली.