Dark Underarms : काळसर अंडरआर्म्समुळे वैतागलात ? हे उपाय करून पहा, घामाचा दुर्गंधही होईल दूर

Image Credit source: freepik

नवी दिल्ली | 23 ऑगस्ट 2023 : अंडरआर्म्स (Dark Underarms) काळेपणामुळे अनेकदा लाजिरवाणं वाटू शकतं. अशा स्थितीत स्लीव्हलेस टॉप किंवा कुर्ता घालण्याआधी अनेक वेळा विचार करावा लागतो. घामाचा दुर्गंध येऊ नये म्हणून आपण डिओडोरंट वापरतो त्यामुळे त्वचा काळी पडते. याशिवाय कधी-कधी घट्ट कपडे घालणे, जास्त धूम्रपान करणे आणि हार्मोनल चेंजेसमुळेही अंडरआर्म्सची त्वचा काळी पडू लागते.

जर तुम्हीही या समस्येने त्रस्त असाल (Dark Underarms Remedy) आणि त्यापासून सुटका हवी असेल तर हे घरगुती उपाय तुमच्यासाठी फायदेशीर ठरू शकतात

1) बेकिंग सोडा आणि व्हिनेगर

बेकिंग सोडा आणि ॲपल सायडर व्हिनेगरचा वापर करून अंडरआर्म्सची त्वचा स्वच्छ आणि चमकदार बनवता येते. यासाठी एक चमचा व्हिनेगरमध्ये योग्य प्रमाणात बेकिंग सोडा मिसळून घट्ट पेस्ट बनवा आणि हे मिश्रण अंडरआर्म्सवर लावा आणि थोडा वेळ ठेवा, नंतर पाण्याने धुवा. नियमित वापराने अंडरआर्म्सचा काळेपणा पूर्णपणे निघून जाईल.

2) बेसन

बेसनाच्या पीठामुळे अंडरआर्म्सचा काळेपणा दूर होतो. यासाठी बेसन, दही आणि लिंबाचा रस एकत्र करून पेस्ट तयार करा आणि अंडरआर्म्सच्या त्वचेवर लावा. ही पेस्ट अर्धा तास तशीच राहू द्यावी , नंतर साध्या पाण्याने स्वच्छ धुवा. नियमित वापराने फरक दिसून येईल.

3) लिंबू व साखर

लिंबू आणि साखरेचा स्क्रब हा अंडरआर्म्सच्या त्वचेचा काळेपणा दूर करण्यास मदत करतो. यासाठी लिंबू आणि साखरेचा स्क्रब तयार करून ते अंडरआर्म्सवर लावा आणि १५ मिनिटे स्क्रब करा. यामुळे अंडरआर्म्सच्या त्वचेवर साचलेला मळ साफ होईल.

4) लिंबाचा रस

अंघोळ करण्यापूर्वी अंडरआर्म्सवर लिंबाची साल चोळावी. अंघोळीनंतर मॉयश्चरायझर लावावे. लिंबू एक नैसर्गिक ब्लीचिंग एजंट असून त्याच्या वापराने अंडरआर्म्सचा काळसर पणा जाऊन त्वचेचा रंग उजळतो.

5) गुलाब पाणी व चंदन

गुलाब पाणी व चंदनाची पेस्ट बनवून अंडरआर्म्सवर लावा. नंतर काही वेळाने धुवून. गुलाबपाणी त्वचेला थंड ठेवते आणि चंदनाने अंडरआर्म्सची त्वचा उजळते.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)