मराठी चित्रपटसृष्टीतील अप्सरा म्हणजेच अभिनेत्री सोनाली कुलकर्णीच्या हळदीच्या कार्यक्रमाचे काही खास फोटो समोर आले आहेत. सोनालीने तिच्या इन्स्टाग्राम अकाऊंटवर हे फोटो पोस्ट केले आहेत.
'खूप मजा, कुटुंबीय, मित्रमैत्रिणी, संगीत..' असं कॅप्शन देत सोनालीने हे फोटो पोस्ट केले आहेत. लंडनमध्ये पार पडलेल्या हळदीच्या कार्यक्रमाच्या या फोटोंवर चाहत्यांकडून लाईक्स आणि कमेंट्सचा वर्षाव होतोय.
प्लॅनेट मराठी ओटीटी प्लॅटफॉर्मवर सोनालीच्या लग्नाचे अविस्मरणीय क्षण पहायला मिळत आहेत. तीन भागात हे लग्न प्रेक्षकांच्या भेटीला येत असून लंडनमध्ये हळद कशी पार पडली हेसुद्धा यात पहायला मिळालं.
अगदी मोजक्याच नातेवाईक, मित्रपरिवारासोबत सोनाली-कुणालचा लग्नसमारंभ पार पडला होता. मात्र त्याचे फोटो, व्हिडीओ कुठेच झळकले नव्हते.
त्यामुळे सोनालीचं लग्न कसं झालं, हे जाणून घेण्याची तिच्या चाहत्यांना प्रचंड उत्सुकता लागून राहिली होती.
आता चाहत्यांना सोनाली आणि कुणालच्या आयुष्यातील या अविस्मरणीय सोहळ्याचे साक्षीदार होता आलं आहे.