अक्कलकुवा विधानसभा निवडणूक निकाल 2024

महाराष्ट्रातील 288 मतदारसंघापैकी अक्कलकुवा विधानसभा मतदारसंघ एक आहे. राज्यातील ही पहिल्या नंबरची सीट असून नंदूरबार जिल्ह्यात ही सीट येते. 2008च्या मतदारसंघ पुनर्रचनेनंतर ही सीट अस्तित्वात आली आहे. तेव्हापासून ही जागा काँग्रेसच्या ताब्यात आहे. काँग्रेसचे अॅड. केसी पडवी या मतदारसंघांचं नेतृत्व करत आहेत. 

2019च्या निवडणुकीत केसी पडवी यांनी तिसऱ्यांदा तिकीट देण्यात आलं होतं. पडवी हे कसलेले नेते आहेत. गेल्या तीन दशकापासून ते राजकारणात आहेत. गेल्यावेळी शिवसेनेने त्यांच्या विरोधात आमश्या पडवींनी मैदानात उतरवले होते. या निवडणुकीत केसी पडवी यांनी आमशा पडवी यांना 2096 मतांनी पराभूत केलं होतं. केसी पडवी यांना 82,770 मते आणि आमश्या पडवी यांना 80,674 मते मिळाली होती. तर अपक्ष उमेदवाराला 21,664 मते मिळाली होती.  हा आदिवासी बहुल विभाग आहे. तसेच या भागात मुस्लिम समाजही मोठ्या प्रमाणावर आहे.