Ram Navami 2023 : राम नवमीच्या दिवशी का केली जाते श्री रामाची पुजा? यंदाची राम नवमी का आहे विशेष?

राम नवमी

Image Credit source: Social Media

मुंबई : रामनवमीला (Ram navmi 2023) नवरात्रीची सांगता होते. यावेळी चैत्र नवरात्रीची रामनवमी 30 मार्च, गुरुवारी म्हणजेच उद्या साजरी होणार आहे. तुम्हाला माहीत आहे का चैत्र नवरात्रीची सांगता भगवान श्री राम यांच्या नावाने म्हणजेच राम नवमीने का होते? या दिवशी भगवान रामाचा जन्म झाला होता. त्रेतायुगात या दिवशी भक्तांचे दुःख दूर करण्यासाठी आणि दुष्टांचा अंत करण्यासाठी श्रीरामांचा जन्म झाला. त्यांचा जन्म वासंतिक नवरात्रीच्या नवव्या दिवशी झाला. श्री रामाचा जन्म मध्यान्ह कर्क राशीत आणि पुनर्वसु नक्षत्रात झाला. रामायण आणि रामचरित मानस यांसारख्या सर्व धर्मग्रंथांमध्ये रामाची ही जन्मतारीख नमूद केलेली आहे. श्री राम हे स्वतः भगवान विष्णूचे सातवे अवतार होते.

भगवान राम आणि रावण यांच्यातील युद्धाची कथाही नवरात्रीशी जोडलेली आहे. असे म्हणतात की जेव्हा श्रीराम सीतेला रावणाच्या तावडीतून सोडवण्यासाठी युद्ध करत होते. त्यावेळी रावणावर विजय मिळविण्यासाठी प्रभू श्री रामाने दुर्गा मातेचा विधी केला. हा पूजाविधी संपूर्ण 9 दिवस चालला. त्यानंतर  दुर्गा देवी भगवान श्री रामासमोर प्रकट झाली आणि त्यांना विजयाचा आशीर्वाद दिला. दुसरीकडे दहाव्या दिवशी प्रभू श्रीरामांनी रावणाचा वध करून विजय मिळवला.

यावेळी रामनवमी का आहे विशेष ?

यावेळी नवमी तिथीला गुरुवार आणि पुनर्वसू नक्षत्र दोन्ही आहेत. म्हणूनच रामनवमीला श्रीरामाचा जन्म नक्षत्रही योगायोगच ठरला आहे. या योगायोगामुळे तुमची पूजा-अर्चा विशेष लाभदायक ठरेल. या दिवशी केलेल्या प्रार्थना नक्कीच स्वीकारल्या जातील. या शुभ दिवशी तुम्ही नवीन कपडे आणि नवीन रत्ने परिधान करू शकता. यानिमित्ताने दान केल्यास ते अधिक शुभ होईल.

श्री राम नवमी पूजन विधी

मध्यान्हात रामाची पूजा करावी. श्री रामचरितमानस पाठ करा किंवा श्री रामाच्या मंत्रांचा जप करा. ज्या महिलांना बाळंतपणात अडथळे येत आहेत. अशा महिलांनी रामाच्या बालस्वरूपाची पूजा करावी. श्रीरामजींची पूजा केल्यानंतर ब्राह्मणांना भोजन अर्पण करावे. गाय, जमीन, वस्त्र इत्यादी दान करा.

(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)