Mumbai Local Train Update : सिग्नल यंत्रणेत बिघाड, मध्य रेल्वेची वाहतूक विस्कळीत, VIDEO

Mumbai Local

Image Credit source: tv9

कल्याण : लोकल सेवेला मुंबईची जीवनवाहिनी म्हटलं जातं. दररोज लाखो लोक मुंबई लोकलने प्रवास करतात. 70 लाखापेक्षा जास्त नागरिक लोकलचा वापर करतात. लोकलच्या वेळेवर बरच काही अवलंबून असतं. ठरलेली लोकल चुकली, की अनेकांच दिवसाच वेळापत्रक बिघडतं. नोकरदारांसाठी लोकलची वेळ खूप महत्त्वाची असते. सकाळी कामावर निघण्याच्यावेळी किंवा संध्याकाळी कामावरुन निघाल्यानंतर लोकल सेवा कोलमडली, तर प्रचंड त्रास सहन करावा लागतो. ट्रेनमध्ये प्रचंड गर्दी, रेटारेटी, जीव अगदी नकोसा होतो.

त्यामुळे मुंबई लोकल ठरलेल्या वेळापत्रकानुसार चालण खूप गरजेच आहे. सेंट्रल म्हणजे मध्य रेल्वे मार्गावर कर्जत-कसारा मार्गावरुन दरररोज रेल्वे प्रवास करणाऱ्यांची संख्या मोठी आहे अगदी भल्या पहाटे कार्यालय गाठण्यासाठी लोक आपलं घर सोडतात. सकाळी 4 वाजल्यपासूनच ट्रेन प्रवाशांची भरलेली असती. अगदी रात्री उशिरापर्यंत तुम्हाला लोकलमध्ये प्रवाशांची वर्दळ दिसेल.

नोकरदारांचे प्रचंड हाल

दरम्यान मंगळवारी सकाळच्या सुमारास मध्य रेल्वे कोलमडली. मध्य रेल्वे विस्कळीत झाली आहे. त्यामुळे सकाळीच कामावर निघालेल्या नोकरदारांचे प्रचंड हाल झाले. खासकरुन कल्याणच्या पुढून येणाऱ्या प्रवाशांना जास्त मनस्ताप झाला. त्यांना ठरलेल्या वेळेत कार्यालय गाठता आलं नाही.

कुठे झाला सिग्नल यंत्रणेत बिघाड

त्यामुळे दिवसाच वेळापत्रक बिघडलं. कल्याण रेल्वे स्थानकातील प्लॅटफॉर्म क्रमांक 6 व 7 च्या सिग्नल यंत्रणेत बिघाड झाला आहे. त्यामुळे मध्य रेल्वे मार्गावरील लोकल अर्धातास उशिराने धावत आहेत. परिणामी कल्याण आणि त्यापुढच्या स्थानकात प्रवाशांची गर्दी उसळली आहे.