युवक-युवती फिरायला गेले, युवतीचा मृतदेह सापडला, युवक बाजूलाच जखमी अवस्थेत, नेमकं काय घडलं?

स्वप्निल उमप, प्रतिनिधी, अमरावती : जिल्ह्यातील वडुरा गवाजवळील ही घटना आहे. महाविद्यालयीन तरुण-तरुणी फिरायला गेले होते. त्यांच्यावर अज्ञात हल्लेखोरांनी हल्ला केल्याचं जखमी तरुण सांगत आहे. पण, त्याच्या बाजूलाच तरुणीचा मृतदेह सापडला. तो रक्तबंबाळ अवस्थित होता. त्यामुळे जखमी तरुण पोलिसांना खरं सागत आहे की, आणखी काहीतरी वेगळं घडलं, याचा तपास आता पोलीस करतील. परंतु, तरुणींचा मृतदेह सापडल्याने या परिसरात खळबळ उडाली आहे. शिवाय तरुणही जखमी अवस्थेत सापडला आहे. त्याला रुग्णालयात दाखल करण्यात आले आहे. या तरुणांच्या बाबतीत नेमकं काय घडलं, हे तपासानंतरच स्पष्ट होईल.

महाविद्यालयीन मुलीचा मृतदेह सापडला

अमरावती शहरापासून अवघ्या काही किलोमीटर अंतरावर वडुरा गाव आहे. या गावानजीक परिसरामध्ये एका महाविद्यालयीन तरुणीचा रक्तबंबाळ अवस्थेत मृतदेह आढळला. त्या शेजारी गंभीर जखमी अवस्थेत तिचा मित्र सापडला. या घटनेमुळे एकच खळबळ उडाली आहे.

अज्ञात हल्लेखोरांनी हल्ला केल्याची माहिती

अमरावती शहरातील एका नामांकित महाविद्यालयात शिकणारा जखमी तरुण आणि मृतक तरुणी हे भेटण्यासाठी वडुरा गावाजवळ आले होते. भेटण्यासाठी आल्यानंतर अज्ञात हल्लेखोरांनी आमच्यावर हल्ला केल्याची माहिती जखमी तरुणाने पोलिसांना दिली आहे.

युवकांच्या बाबतीत नेमकं काय घडलं?

या जखमी तरुणावर सध्या रुग्णालयात उपचार सुरू आहेत. या घटनेमध्ये खरच हल्लेखोरांनी तरुण-तरुणीवर हल्ला केला का? दोघांचेही जीवन संपवण्याचा प्रयत्न होता की, तरुणाने तरुणीवर हल्ला केला. याचा तपास पोलीस करीत आहेत.

एकांतात फिरायला जाणे धोकादायक

एकांतात फिरायला जाणे धोकादायक असते. अशा घटना कधी-कधी घडत असतात. त्यामुळे युवकांनी अलर्ट राहणे गरजेचे आहे. हल्लेखोरांनी हल्ला करून तिला ठार केले. मला जखमी केले. असे तरुणाचे म्हणणे आहे. तरीही संशयाची सुई तरुणावर आहे. पोलीस तपासानंतरच नेमकं काय घडलं हे स्पष्ट होईल.