Pilot Died in Plane | विमान हवेत असताच पायलटचा मृत्यू, प्रवाशांच्या जीव आला मुठीत

Pilot Died in plane | विमानात एक धक्कादायक घटना घडली आहे. 271 प्रवाशांसह मियामीहून चिलीला जाणाऱ्या व्यावसायिक विमानाच्या बाथरूममध्ये पडल्याने पायलटचा मृत्यू झाला. रविवारी रात्री पनामामध्ये यामुळे विमानाचे आपत्कालीन लँडिंग करण्यात आले. विमानातील सहवैमानिकाने केले हे लँडिंग केले. LATAM एअरलाइन्सच्या विमानाने उड्डाण केल्यानंतर तीन तासानंतर ही घटना घडली. बाथरुममध्ये पडल्याने वैमानिकाचा मृत्यू झाला. पायलटचे नाव कॅप्टन इव्हान अंदौर असे आहे. अस्वस्थ वाटू लागल्याने क्रूने त्यांना आपत्कालीन उपचार दिले परंतु ते त्यांना वाचवू शकले नाहीत.

विमान पनामा सिटीच्या टोकुमेन आंतरराष्ट्रीय विमानतळावर उतरले. वैद्यकीय तज्ञ वैमानिकाचे प्राण वाचवण्यासाठी धावले पण त्यांना मृत घोषित करण्यात आले. अंदौर यांना 25 वर्षांचा अनुभव होता.

LATAM एअरलाइन्स ग्रुपने आपल्या निवेदनात म्हटले की, मियामी-सॅंटियागो मार्गावर असलेल्या फ्लाइट LA505 वैद्यकीय आणीबाणीमुळे पनामामधील टोकुमेन आंतरराष्ट्रीय विमानतळावर उतरावे लागले. विमान उतरले तेव्हा, आपत्कालीन सेवांनी जीवन वाचवणारी मदत दिली, परंतु पायलटचे दुर्दैवाने निधन झाले,”

“जे घडले त्यामुळे आम्ही खूप दु:खी असून आम्ही मनापासून शोक व्यक्त करतो. त्यांच्या 25 वर्षांच्या कारकिर्दीबद्दल आणि त्यांच्या अमूल्य योगदानाबद्दल आम्ही मनापासून कृतज्ञ आहोत.