धाराशिव जिल्ह्यात 4 वर्षाच्या दोन चिमुकलींसोबत मन हेलावणारं कृत्य, अतिशय संतापजन प्रकार
राज्यात महिला आणि मुली किती सुरक्षित आहेत? हा प्रश्न पुन्हा ऐरणीवर आला आहे. राज्यात अवघ्या चार वर्षाच्या मुलीदेखील सुरक्षित आहेत की नाही? असा प्रश्न निर्माण झालाय. कारण तशा धक्कादायक घटना आता समोर येताना दिसत आहेत.
धाराशिव | 26 ऑगस्ट 2023 : राज्यात महिला आणि मुलींवरील अत्याचाराच्या घटना काही केल्या कमी होताना दिसत नाहीयत. काही दिवसांपूर्वी जळगाव जिल्ह्यात एका अल्पवयीन मुलीवर अत्याचार करुन तिची हत्या करण्यात आल्याचा प्रकार समोर आला होता. या घटनेमुळे संपूर्ण राज्य हादरलं होतं. संबंधित घटना ताजी असताना जळगाव जिल्ह्यातील पारोळा तालुक्यात आणखी एका अल्पवयीन मुलीवर अत्याचार झाल्याची घटना समोर आली होती. राज्यात वारंवार अशा घटना समोर येत आहेत. आरोपींवर काठोरात कठोर कारवाई मागणी केली जात आहे. असं असताना आता धाराशिव जिल्ह्यातूनही अशीच एक घटना समोर आली आहे.
लहान मुलींवरील बलात्काराच्या 2 घटनांनी धाराशिव जिल्हा हादरला आहे. 4 वर्षाच्या लहान मुलीवर 68 वर्षीय नराधमाने पाशवी बलात्कार केल्याची संतापजनक घटना समोर आली आहे. गणपती गपाट असे आरोपीचे नाव आहे. संबंधित घटना ही वाशी तालुक्यातील इंदापूर येथील आहे. या घटनेमुळे जिल्ह्यात एकच खळबळ उडाली आहे. आरोपीने अल्पवयीन चिमुकली खेळायला घरी आली तेव्हा घरात कोणी नसताना बलात्कार केला. त्यानंतर आरोपी फरार झाला. पोलीस आरोपीचा शोध घेत आहेत.
धाराशिव जिल्ह्यात अशीच एक अल्पवयीन मुलीवर अत्याचाराची दुसरी घटनादेखील घडली आहे. दुसऱ्या घटनेत 4 वर्षाच्या मुलीवर 15 वर्षाच्या अल्पवयीन मुलाने घरात आलेल्या शेजारच्या मुलीवर बलात्कार केला. या प्रकरणाती आरोपीला पोलिसांनी अटक केली आहे. संबंधित घटना ही कळंब शहारातील असल्याची माहिती समोर आली आहे. या प्रकरणी पोलिसात गुन्हा नोंद करण्याच्या प्रक्रियेला सुरुवात झालीय.
